Fosili i pinguinit gjigant tregon ‘zogun përbindësh’ që dikur bridhte në tokë
Paleontologët kanë zbuluar kocka gjigante pinguinësh të fosilizuar në brigjet e Zelandës së Re, sipas një studimi të botuar në Journal of Paleontology. U gjetën vetëm disa kocka, por mjaftoi që shkencëtarët të përcaktonin madhësinë e tyre.
Lloji i pinguinit, i quajtur Kumimanu fordycei, u gjet në rajonin Otago në ishullin jugor të Zelandës së Re.
“Fosilet na japin dëshmi të historisë së jetës, dhe nganjëherë ato prova janë absolutisht befasuese”, tha në një deklaratë bashkëautori Daniel Field, i Departamentit të Shkencave të Tokës në Universitetin e Kembrixhit. Në brigjet e Zelandës së Re 57 milionë vjet më parë, Kumimanu fordycei do të kishte qenë një pamje e pabesueshme.
Studiuesit krijuan modele dixhitale të eshtrave të pinguinëve dhe i krahasuan ato me specie të tjera fosile të njohura, duke përfshirë specie moderne si pinguin perandor. Ata përcaktuan se këta pinguinë ishin zogj të mëdhenj.
“Shumë pinguinë fosile të hershme arritën përmasa gjigante, duke i zbehur lehtësisht pinguinët më të mëdhenj të gjallë sot. Lloji ynë i ri, Kumimanu fordycei, është pinguini më i madh fosil i zbuluar ndonjëherë – me rreth 350 kilogramë, ai do të peshonte më shumë se Shaquille O’Neal në kulmin e dominimit të tij!” tha bashkëautori i studimit Daniel Field, një ekspert në shkencat e tokës në Universitetin e Kembrixhit.
Ilustrimi më poshtë tregon se si struktura e eshtrave të Kumimanu fordycei krahasohet me atë të pinguinit perandor të sotëm. Edhe pse u gjet vetëm një numër i vogël kockash – ato të theksuara në diagramin Kumimanu fordycei – ato ishin të mjaftueshme për të lejuar shkencëtarët të përcaktojnë madhësinë e pinguinit.
Arsyeja pse këta pinguinë evoluan në përmasa kaq të mëdha, thonë shkencëtarët, ishte sepse ata do të ishin më efektivë në ujë.
“Madhësia përcjell shumë përparësi,” tha autori kryesor i studimit Daniel Ksepka, një kurator i ornitologjisë në Muzeun Bruce në Greenwich, Connecticut. “Një pinguin më i madh mund të kapte pre më të madhe dhe më e rëndësishmja do të kishte qenë më mirë në ruajtjen e temperaturës së trupit në ujërat e ftohtë. . Është e mundur që thyerja e pengesës së madhësisë prej 100 kilogramësh lejoi që pinguinët më të hershëm të përhapeshin nga Zelanda e Re në pjesë të tjera të botës.”