Ferrari do të pranojë kripto-pagesa në Evropë

Prodhuesi italian i makinave luksoze Ferrari tha të mërkurën se tregtarët e tij evropianë do të fillojnë të pranojnë kriptomonedha, pas një lëvizje të ngjashme në Shtetet e Bashkuara.

Sistemi i ri i pagesave – i cili përfshin verifikimin e burimit të fondeve dhe konvertimin e menjëhershëm të pagesave në monedhën tradicionale – do të vendoset nga fundi i korrikut, tha ai.

“Hyrja në tregun europian pason lançimin me sukses të këtij sistemi alternativ pagesash në Shtetet e Bashkuara më pak se një vit më parë, për të mbështetur tregtarët në adresimin më të mirë të nevojave në zhvillim të klientëve të saj”, tha kompania në një deklaratë.

“Deri në fund të vitit 2024, Ferrari do të zgjerojë transaksionet e kriptomonedhave në vende të tjera në rrjetin e tij ndërkombëtar të tregtarëve, ku kriptovalutat pranohen ligjërisht.”

Kriptovalutat, më e famshmja prej të cilave është bitcoin, janë një lloj monedhe dixhitale e cila, ndryshe nga monedhat tradicionale, nuk kontrollohet nga institucionet financiare të centralizuara.

Avokatët thonë se kjo sjell liri financiare, por kriptovalutat mund të jenë shumë të paqëndrueshme. Bitcoin është akuzuar gjithashtu se është monedha e zgjedhur për pagesat e paligjshme që nuk lënë asnjë gjurmë.

Miliarderi Elon Musk deklaroi në vitin 2021 se do të shiste makina Tesla për bitcoin- përpara se të ndryshonte mendje, duke argumentuar se prodhimi i saj ishte shumë ndotës dhe se ai do ta pranonte atë vetëm kur ishte më pak ndotës.