Njihuni me robotin më të vogël në botë me telekomandë

Inxhinierët kanë prezantuar robotin më të vogël në botë me telekomandë, i cili është gjithashtu më i vogël se një insekt.

Sipas inxhinierëve në Universitetin Northwestern në Shtetet e Bashkuara, kjo gaforre e vogël robotike mund të “ecë, të përkulet, të kthehet dhe të kërcejë”. Kështu, zbulimi mund të sinjalizojë fillimin e një epoke të re të robotikës në një shkallë mjaft të vogël.

Makina e vogël nuk ushqehet me pajisje në miniaturë dhe pjesë të ndryshme elektronike, por përdor materiale të kombinuara me kujtesën e formës, të cilat transformohen kur nxehen.

Studiuesit përdorën rreze lazer të skanuar për të ngrohur menjëherë pajisjen në disa vende të ndryshme përgjatë trupit të saj për të mundësuar transformimin e materialit në atë mënyrë që roboti të mund të lëvizte.

Një nga metodat e përdorura nga studiuesit ishte mbulimi i pajisjes me një shtresë të hollë xhami që forcon strukturën e robotit për t’u kthyer në formën e deformuar pasi të jetë ftohur. “Për shkak se këto struktura janë kaq të vogla, shkalla e ftohjes është shumë e shpejtë. Në fakt, zvogëlimi i madhësisë së këtyre robotëve bën të mundur që ata të ecin më shpejt”, shpjegoi profesor John Rogers, i cili drejtoi këtë kërkim eksperimental.