Shkencëtarët arrijnë të kurojnë humbjen e kujtesës tek minjtë

Humbja e kujtesës është shëruar në minj të ndryshëm përmes injektimit të lëngut të trurit të marrë nga minjtë më të rinj, duke rritur kështu shpresat për gjetjen e një trajtimi të ardhshëm për demencën.

Lëngu cerebrospinal u mblodh nga minjtë deri në 10 javë dhe më pas u injektua te minjtë më të vjetër (18 muajsh). Ky lëng përmban disa faktorë nxitës të proteinave që ndihmojnë në zhvillimin normal të aktivitetit të trurit.

U vërtetua se ky injeksion përmirësoi kujtesën e minjve të rinj përmes taktikës së kondicionimit të frikës, ku minjtë mësuan të lidhnin një goditje të vogël elektrike, një zhurmë dhe një dritë që ndizet.

Gjetjet u botuan në revistën e mirënjohur Nature, e cila demonstron potencialin rigjenerues të lëngjeve të trurit të marra nga të rinjtë dhe njerëzit, jo vetëm nga minjtë. Studimet e mëparshme kanë treguar se prodhimi i lëngut cerebrospinal ngadalësohet ndërsa një person rritet, kështu që injektimi i këtij lëngu tek njerëzit e moshuar mund të çojë në përmirësimin e kujtesës në moshat më të vjetra.

Dr. Miriam Zawadzki thekson se terapia me lëng cerebrospinal mund të jetë shumë efektive në trajtimin e demencës, duke ndihmuar shumë popullatën e moshuar përreth nesh. Ka më shumë se 55 milionë njerëz në mbarë botën që vuajnë nga demenca.